شارپرێس:
ڕۆژنامەی شەرقولئەسەت
بلاویکردەوە لە چەند رۆژی رابردودا قاسم سلێمانی هەوڵیداوە مەسعود بارزانی ببینێت
بەڵام بارزانی رەتی کردوەتەوە و دیدارەکە ئەنجام نەدراوە.
ڕۆژنامەکە لە زاری
سەرچاوەیەکی ئاگادارەوە بڵاویکردەوە قاسم سلێمانی فەرماندەی فەیلەقی قودسی ئێران
هاتوەتە هەرێمی کوردستان و لەگەڵ بەرپرسانی یەکێتی و پارتی کۆبووەتەوە بەڵام چاوی
بە بارزانی نەکەوتووە، "بارزانی ڕەتی کردوەتەوە دیداری لەگەڵ ساز بکات."
بەپێی زانیارییەکانی
رۆژنامەکە سولەیمانی داوای دواخستنی ریفراندۆمی کردووە و بە بەپرسانی هەردولای
وتووە کە مەترسی جدی لەسەر هەرێم دەبێت.
لە کۆبوونەوەکانیدا
سلێمانی سەرکەوتوو نەبووە لە رازی کردنی بەرپرسانی یەکێتی و پارتی لە
پاشگەزبوونەوەیان لە ئەنجامدانی ریفراندۆم.
دوای سەردانەکەی قاسم
سلێمانی، دۆگلاس سلێمان باڵیۆزی ئەمریکا لە عێراق لەگەڵ ژمارەیەک بەرپرسی باڵای
یەکێتی و پارتی کۆبوویەوە و سیاسەتی ئەمریکای بەرانبەر ریفراندۆمی هەرێم لەگەڵ
باسکردوون.
بەپێی زانیارییەکان
دۆگلاس رایگەیاندووە ئەمریکا بێدەنگ دەبێت لە ئەنجامدانی ریفراندۆم ئەگەر تەنیا لە
شارەکانی هەرێم بکرێت و ناوچە کوردستانیەکان نەگرێتەوە بەڵام ئەنجامەکەی پەسەند
ناکات.
ر.ا