شارپرێس: چەند تویتێكی توێژەرێك لەئاسایشی ژمارەیی ، مشتومرێكی زۆری بەدوای خۆیدا هێنا، كە ئایا هێڵەكانی فڕۆكەوانی لەڕێگای ئەو كامێرا جێگیرەی ناو شاشەی كاتبەسەربردنی بەردەم سەرنشینانەوە هەیە ، سیخورییان بەسەرەوە دەكرێت یان نا؟ فیتالی كاملۆك لە ١٧ ی شوبات لەگەڵ هاوسەكەی بە فرۆكەیەیكی هێڵی ئاسمانی سەنگاپوری گەشتی دەكرد ، سەرنجیدا لە بەشی كاتبەسەربردنی فرۆكەكە و لەبەردەمی شتێكی جێگیری هاوشێوەی كامێرا هەیە. كاملۆك وێنەیەكی كامێراكەی گرت لەگەڵ هاورێكانی لە یەكێك لە تۆڕە كۆمەڵایەتییەكان بڵاویان كردەوە و ئاراستەی كۆمپانیا فرۆكەوانییەكەیان كرد ، كۆمپانیاكەش نكووڵی لەبوونی كامیرای لەو شێوەیە نەكرد ، بەڵام گوتی ئەو كامێرایانە لەكاركەوتوون و بەكار نایەن . هەر سەبارەت بەو بابەتە تۆڕی هەواڵیی " CNN"ی ئەمەریكی بڵاویكردەوە، بوونی ئەو جۆرە كامێرایانە لەو جێگایە شتێكی تازە نییە. ئەو تەلەفزیۆنە ئەمەریكییە لە ڕاپۆرتێكیدا بڵاویشیكردەوە، كە سیستەمی شاشەی كاتبەسەربردن لە فرۆكەكانی كۆمپانیای فرۆكەوانیی سەنگافووری بەكاردەهێنرێت لەلایەن كۆمپانیای " پاناسۆنیك ئەفیۆنیكس"ی ئەمەریكییەوە درووست دەكرێت ، تەنانەت ئەو سیستەمە لەگەلێك لە هێڵە ئاسمانییە سەرەكییەكانی تری وەك هیڵی ئاسمانی ئیماراتیشدا هەیە. "كۆمپانیای پاناسۆنیك ئەفیۆنیكس" ، ساڵی ٢٠١٧ رایگەیاند كە لەگەڵ كۆمپانیای " تاسینت" هاوبەشییەكیان درووستكردووە بۆ خستنەناوی "ئامێری ناسینەوەی كەسایەتی " ی كۆمپانیای تاسینت بۆناو شاشەی كاتبەسەربردن كە كۆمپانیای پاناسۆنیك ئیفیۆنیكسە . كاتی خۆی ئەو دوو كۆمپانیایەیە رایانگەیاند، كە دەیانەوێت لە ئایندەدا سیستەمێكی خێرای ناسینەوەی كەسایەتیی درووست بكەن، تا لەكاتی پێش فڕین و لەكاتی فڕین و لەكاتی گەیشتندا سەرنشینەكان بناسێتەوە ، ئەوەش لەجیاتی ئەوەی سەرنشینەكان لەبەردەم نووسینگەی كۆچی فرۆكەخانەكان ڕیز ببەستن. بەستەری " ئیبكس" كە تایبەتە بە شارەزایی گەشتكردن بۆ سەرنشینانی فرۆكە ، لە گرنگی ئەو بابەتەی كەمكردەوە و گوتی دەكرێت ئەو كامێرایە بەكارنهێنرێت و درووستكردنی پەیوەندیی ڤیدیۆیی یاخود بۆ چاودێریكردنی سەرنشینەكان لەرووی تەندرووستیی و ئەنجامدانی هەڵسوكەوتی گوماناوی لەناو فرۆكەكەدا. لە وەڵامی نیگەرانی سەرنشینانیش پەیوەست بە لەبەرچاوگرتنی تایبەتمەندییەكانیان لەناو فرۆكەدا گوتی " ئێمە رۆژانە لەدەرەوەی فرۆكەخانەكان بێ وەرگرتنی مۆڵەت لێمان ، دەیانجار لەلایەن هیزە ئەمنییەكان و كامێرای فرۆشگە و رێگاو بان و فرۆكەخانەكان چاودێریی دەكرێین ... بۆیە ئەو نیگەرانییانە لەجێگەی خۆیان نین". سەرچاوە: الحرە وەرگێران: ئاكۆ عەبدوڵڵا ئاڵی