ئێران: ئه‌مریكا و به‌ره‌ی زایۆنی ئه‌م جاره‌ش تامی شكست ده‌كه‌ن

جیهان

15/05/2019‌ 683 جار خوێندراوه‌ته‌وه

شارپرێس:
وه‌زیری به‌رگریی ئێران ئاماده‌یی وڵاته‌كه‌ی بۆ روبه‌ڕوونه‌وه‌ی به‌رامبه‌ر هه‌ر هه‌ڕه‌شه‌یه‌ك ده‌ربڕی و رایگه‌یاند، "ئه‌مریكا و به‌ره‌ی زایۆنی ئه‌م جاره‌ش تامی شكست ده‌كه‌ن"

ئه‌میر حاته‌می، وه‌زیری به‌رگریی ئێران  به‌ ئاژانسی فه‌رمیی ئیرنای وتووه‌، "ئاماده‌باشیی ئێران له‌ رووی به‌رگریی و سه‌ربازییه‌وه‌ له‌به‌رامبه‌ر هه‌موو جۆره‌ هه‌ڕه‌شه‌یه‌كدا له‌ به‌رزترین ئاستدایه‌".

راشیگه‌یاندووه‌، "ئه‌وه‌ی له‌گه‌ڵ شكستهێنانی گرووپه‌ توندڕه‌وه‌كانی له‌ ناوچه‌كه‌ له‌ وڵاتانی هاوشێوه‌ی عێراق و سووریا، پلانه‌كانی واشنتۆنیش له‌ ناوچه‌كه‌ تووشی شكست بوونه‌ته‌وه‌".

وه‌زیری به‌رگریی ئێران راشیگه‌یاندووه‌، "دوای ئه‌وه‌ی كه‌ پیلانه‌ ره‌شه‌كانیان له‌ ناوچه‌كه‌ تووشی شكست بوو، ئه‌مریكییه‌كان روویان له‌ په‌لاماردانی گه‌له‌كه‌مان له‌رێگه‌ی توندی ئابووریی و فره‌لایه‌نه‌وه‌ كرد".

حاته‌می جه‌ختی له‌وه‌كردووه‌ته‌وه‌ كه‌ ئێران هه‌میشه‌ پیلانگێڕییه‌كانی ئه‌مریكای پووچه‌ڵكردووه‌ته‌وه‌ و ئه‌مریكا و به‌ره‌ی زایۆنی ئه‌م جاره‌ش تامی شكست ده‌كه‌ن".