شارپرێس:
كازم فاروق سەرۆكی فراكسیۆنی جوڵانەوەی نەوەی نوێ لەپەرلەمانی كوردستان دەڵێت: شاسوار عەبدولواحید زیاتر لە ٦ ڕۆژە لەزیندانی تاكە كەسیدایە و باری تەندروستی ناجێگیرە و مانی لە خواردن گرتووە.
كازم فاروق بۆ میدیای فەرمی نەوەی نوێ دەشڵێت: ئەمەی یەكێتی لە سلێمانی بەرانبەر بە سەرۆك و ئەندامانی گەورەترین هێزی ئۆپۆزسیۆن دەیكات، سوكایەتییە بەهەموو بەهاكانی دیموكراسی و ناشرینكردن و لەكەداركردنی ڕووی جوانی شاری سلێمانی یە، كە بە شاری ڕۆشنبیری و فرە دەنگو ڕەنگ و ڕای جیاواز ناسراوە.
ئەوەش دەشڵێت: كاتی ئەوەیە هاووڵاتیان و ڕۆشنبیران و دادوەرەكان و یاساناسان و ڕۆژنامەنووسان و مامۆستایان و سەرجەم چین و توێژەكانی تر ئەم سوكایەتییە قبووڵ نەكەن و ڕێگە نەدەن دەنگە ئازا و بوێرەكان كپ بكرێت.
حەوت ڕۆژە شاسوار عەبدولواحید دەستگیركراوە، ئەوەش لەسەر چەند سكاڵایەك ، كە لەسەری تۆماركراوەو ئێستا لێكۆڵینەوەی لەگەڵ دەكرێتو پێشتریش رێگە بەخێزانو خوشكو سەرۆكی فراكسیۆنی نەوەی نوێ دراوە لەزیندان بیبینن.
هـ ـ ح