جوتیارێكی توركیا پارچە شوێنەوارێكی ٥ هەزار ساڵی دەدۆزێتەوە

sharpress.net

458 جار خوێندراوه‌ته‌وه

27/05/2019‌

شارپرێس:
جوتیارێك لە ویلایەتی ئەرزوڕۆمی باكووری كوردستان لەكاتێكدا لە كیڵگەكەیدا خەریكی كاركردن بوو بە ڕێكەوت پارچە شوێنەواریك دەدۆزێتەوە كە مێژووەكەی بۆ  پێنج هەزار ساڵ پێش ئێستا دەگەڕێتەوە .

حوسنی گەنج ، بەڕێوەبەری مۆزەخانەی ئەرزوڕۆم دەڵێت: مەسعود كوچووك كە جوتیارێكە لە گوندی سوگوتلوی سەر بە قەزای عەزیزییەی ویلایەتی ئەرزوڕۆم، خەریكی كێڵانی زەوییەكەی بووە لەپڕ چەند پارچە شوێنەوارێكی لەتەنیشت بەردێكدا دۆزیوەتەوە.

حوسنی دەشڵێت: جوتیارەكە چۆتە خوارەوە و دەستی كردووە بە لابردنی بەردەكە ، دەبینێت ٥ پارچە شوێنەواری لێیە.

هەروەها دەڵێت: كوچووك هاتووە بۆ مۆزەخانە پارچە شوێنەوارییەكانی رادەستی مۆزەخانە كردووە ، دەشڵێت لەبەرانبەر ئەوەدا پاداشتی ماددی دەكرێت .

هاوكات بەرێوەبەری مۆزەخانەی ئەرزورۆم دەڵێت: پارچە شوێنەوارییەكان پێكهاتوون لە قاپ و پاجاخی گڵین و كەلوپەلی چێشتلێنان كە لە قوڕ درووستكراون و مێژووەكەیان بۆ ٥ هەزار ساڵ بەر لە ئێستا دەگەڕێتەوە .

وەرگێران: ئاكۆ عەبدوڵڵا ئاڵی






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved