هواوی سیستەمی كارپێكردنی جێگرەوەی ئەندرۆید دەخاتە كار

sharpress.net

873 جار خوێندراوه‌ته‌وه

17/06/2019‌

شارپرێس:
كۆمپانیای هواوی چینی لەمەودوا لەجیاتی سیستەمی Android OS ، سیستەمی كارپێكردنی Hongmeng دەخاتە سەر ئامێرەكانی .

ئەندرۆ ویلیامسۆن بەئاژانسی رۆیتەرزی راگەیاندووە، پرۆسەی وەشانی سیستەمی كارپێكردنی تایبەت بە هواوی چەند مانگێك دەخایەنێت ، هواوی دەیەوێت نیشانەی بازرگانی بۆ ئەو سیستەمە تۆمار بكات، كە ئێستا لە چین تاقیكردنەوەی لەسەر دەكرێت.

هەندێك سەرچاوەش باس لەوە دەكەن، كە ئەو سیستەمە نوێیەی كارپێكردنی هواوی ٦٠% لە سیستەمی ئەندرۆید خێراترە .

پێشتر واشنتۆن هانی هاوپەیمانەكانیدا، كە بۆ بنیادنانی تۆرەكانی نەوەی پێنجەمی پەیوەندییەكان دەستبەرداری بەكارهێنانی تەكنەلۆژیای هواوی ببن ، ئەوەش بەهۆی مەترسی ئەوەی ئەو تۆڕانە وەك ئامرازێك بن بەدەستی چینەوە بۆ كاری سیخوڕی بەسەر نەیارەكانییەوە.

هەر لەو چوارچێوەیەدا ، كۆمپانیای هواوی داوایەكی یاسایی لەدژی حكومەتی ئەمەریكا بەرزكردەوە ، كە تێیدا داوای كردبوو دان بە نادەستووری بوونی ئەو ڕیوشوێنانە بنرێت، كە دژی گیراوەتە بەر  و ڕێگری لیكراوە بەوەی پێكهاتە و تەكنەلۆژیای ئەمەریكی بەدەست بگات .

دۆناڵد ترامپی سەرۆكی وڵاتە یەكگرتووەكانی ئەمەریكا پێیوایە، كە دەكرێت ڕەوشی كۆمپانیای هواوی وەك بەشێك لە رێكەوتننامەی بازرگانی لەگەڵ چین چارەسەر بكرێت ، ئەگەر هات‌و رێكەوتنێكی لەو جۆرە واژوو كرا .

ترامپ بە رۆژنامەنووسانی راگەیاند، هواوی شتێكی زۆر مەترسیدارە ، سەیر بكەن بزانن لەڕوانگەی ئاسایشی و ئە ڕوانگەی سەربازییەوە چیان كردووە ، ئەوە زۆر مەترسیدارە.

وەرگێران: ئاكۆ عەبدوڵڵا ئاڵی






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved