ژنە كوردێكی باكووری كوردستان تەمەنی ١٠٥ ساڵە و تەندروستی زۆرباشە

sharpress.net

134 جار خوێندراوه‌ته‌وه

28/08/2019‌

شارپرێس:
دولبەر قەرەهان، كە ئافرەتێكی باكووری كوردستانە، سەرەرای ئەوەی تەمەنی گەیشتووەتە ١٠٥ ساڵ، بەڵام هێشتا تەندروستی زۆرباشە و خۆی پێداویستییەكانی خۆی جێبەجێدەكات، هۆكاری ئەوەشی بۆ خواردنی سروشتی و كاركردن و خەوی ڕێكوپێك دەگێڕێتەوە .

دولبەر لە ساڵی ١٩١٤ لە گوندی كانگلی لە ویلایەتی ئاگری لەباكووری كوردستان لەدایك بووە ، ساڵی ١٩٣٤ هاوسەرگری كردووە و ٧ كچی بووە .

ئێستا تەنیا دوو كچی لەژیاندا ماون ، جگە لەوەی هاوسەرەكەشی كۆچی دوایی كردووە، بۆیە ئێستا لە گوندەكەی خۆیان بەتەنیا دەژی .

دولبەر ٢٥ نەوەی لە كچەكانی هەیە ، لەكاتی پشووەكان سەردنی دەكەن و بەبینینی ئەوان دڵخۆش دەبێت.

ئەو باسی لەوە كردووە، كە تا ئێستا تووشی هیچ گرفتێكی تەندروستی ئەوتۆ نەبووەتەوە، كە شایانی باسكردن بێت ، جگە لەوەی هەستی بیستنیشی زۆر باشە و تا ئێستاش گۆچان بەكار ناهێنێت ، لەبەر ئەوەی هەست دەكات تەندروستی زۆرباشە .

سەبارەت بە هۆكاری تەمەندرێژی و ئەو تەندرووستییە باشەی ، دولبەر دەڵێت: ئەوە بەهۆی خواردنی سرووشتییەوەیە .

لەگەڵ ئەوەی دان بەوەدا دەنێت، كە ژیان بەتەنیا زۆر قورسە، بەڵام دەشڵێت: خۆی ئیشوكاری ماڵەوە رایی دەكات .

هەروەها دەڵێت: ماڵەوە گسك دەدەم ، خواردنی خۆم ئامادە دەكەم و قاپەكان دەشۆم، كاتێكیش هەست بەبێتاقەتی دەكەم بەگوندەكەدا دەگەڕێم و سەردانی دراوسێكان دەكەم .

یەكێك لە دانیشتووانی گوندەكە باس لەوە دەكات، كە هەموو خەڵكی گوندەكە دولبەریان خۆشدەوێت و ڕێزی لێدەگرن ، دەشڵێن: چەند جارێكی كەم نەبێت لەژیانیدا سەردانی پزیشكی نەكردووە و تا ئێستاش هیچ نەشتەرگەرییەكی بۆنەكراوە .

وەرگێڕان: ئاكۆ عەبدوڵڵا ئاڵی






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved