شارپرێس:
قوباد تاڵەبانی جێگری سەرۆكی حكومەتی هەرێمی كوردستان، جەختیكردەوە، پەیوەندییەكانی لەگەڵ سەرۆكی حكومەت مەسرور بارزانی "زۆر باشە".
قوباد تاڵەبانی لەمیانی پانێلێك ئەمڕۆ سێ شەممە وتی: بەهۆی باشی پەیوەندیم لەگەڵ سەرۆكی حكومەت كار دەكەین بۆ ئەوەی زۆرترین خزمەت بەخەڵكی هەرێمی كوردستان بكەین.
جێگری سەرۆكی حكومەت وتیشی: ئێمە لەسەر ئەنجامدانی چاكسازی بەردەوامین، دەمانەوێت كەرتە خزمەتگوزارییەكان زۆرترین خزمەت بەخەڵك بكەن‌و دۆخی كارەبا باشتر بكەین.
هەروەها وتی: ئەوان كۆمەڵێك كێشەیان هەیەو لەملاولاشەوە كێشە بۆ هەرێم دروست دەبێت، بەڵام ئەوان سوورن لەسەر چاكسازی‌و تێپەڕاندنی ئەو كێشانە.
هـ ـ ح