ڤیدیۆی ڕاهێنانی هێزە تایبەتەكانی ڕوسیا

جیهان

15/02/2020‌ 1059 جار خوێندراوه‌ته‌وه

شارپرێس:
كەناڵی "Zvezda" ڤیدیۆی ڕاهێنانی بەشێك لە سوپای تایبەتی و سوپای زەمینی وڵاتی ڕوسیای بڵاوكردووەتەوە.

لەڤیدیۆكەدا ڕاهێنانی بەشێك لەتیمی تایبەتی سوپای ڕۆژئاوای ڕوسیا، كە تیمی ئافرەتانیشیان لەگەڵدایە دەردەكەوێت، كە چۆن ڕاهێنان لەسەر چەكە جۆربەجۆر و ئۆتۆمبیلە سەربازییە جۆربەجۆرەكان دەكەن و بەكاریان دەهێنن.

سوپاكە تێیدا ڕاهێنان و هێرشی بەكۆمەڵی تێدایە، كە چۆن ئامادەكاری بكەن بۆ هێرشكردنە سەر بنكە و شوێنەكانی دوژمن.

ئامانج لەم ڕاهێنانانە، بۆ تاقیكردنەوەی ئاستی سەربازەكان و شێوازی شەڕكردنیانە لەكەشوهەوا جیاوازەكاندا، بە تایبەتی لە كاتی بارینی بەفردا. 

هەروەها تاقیكردنەوەیانە بۆ ئەوەی بزانرێت چۆن شەڕی تاكەكەسی و كۆمەڵ دەكەن.

ئەو ڕاهێنانە بە بەشداری 500 سەرباز و 30 كەرەستەی جەنگی و فڕۆكەی جەنگی بەڕێوەچوو، هەروەها لە ڤیدیۆكەدا بەهێزی و تۆكمەیی سەربازە ڕوسەكانی تێدا دەردەكەوێت.

وەرگێڕان: ڕەنج ڕەسوڵ