فیفا ناوی باشترین سێ یاریزانی ساڵی 2021 ی ئاشكراكرد

وەرزش

08/01/2022‌ 233 جار خوێندراوه‌ته‌وه

شارپرێس:

یەكێتی تۆپی پێی جیهان (فیفا) ناوی سێ یاریزانی ئاشكراكرد كە باشترین سێ یاریزانی جیهانی ساڵی 2021 بوونە.

لیستی ئەو سێ یاریزانە پێكدێت لە: رۆبێرت لیڤاندۆڤسكی پۆڵەندی و یاریزانی یانەی بایرن میونخ كە ساڵی رابردوو توانی ببێت بە گۆڵكاری مێژووی خولی ئەڵمانی پێش جێرد مۆلەر بكەوێت.

یەكێكی تر لەو سێ یاریزانە بریتییە لە لیۆنێل میسی ئەرجەنتینی و یاریزانی یانەی پاریس سان جێرمان كە ساڵی رابردوو توانی جامی كوبا ئەمریكا لەگەڵ هەڵبژاردەكەی بەدەستبهێنێت و جامی شای ئیسپانیا لەگەڵ یانەی بەرشەلۆنە بەدەستبهێنێت پێش ئەوەی روو لە یانەی پاریس سان جێرمان بكات.

یاریزانەكەی تری لیستەكەی فیفا محەمەد سەڵاحی میسری و یاریزانی یانەی لیڤەرپولی ئینگلیزییە كە ساڵی رابردوو لە پاش هاری كین گۆڵكاری خولی ئینگلیزی و لەم وەرزەیش بە 16 گۆڵ گۆڵكاری هەمان خولە.

رەنج رەسول