شارپرێس
چوارچێوەی
هەماهەنگی ڕاگەیەندراوێكی بڵاوكردەوە و ئامادەیی خۆیان بۆ هەڵبژاردنی پێشوەختە
دەربڕی و داوا لە هێزە کوردستانییەکان دەکات، کاندیدیان بۆ سەرۆک کۆمار یەکلابکەنەوە
و هەروەها، پێشوازی لە ڕەوتی سەدر دەكەن بۆ گفتوگۆكردن لەسەر پێكهێنانی حكومەت.
لە
ڕاگەیەندرواەكەی چوارچێوەی هەماهەنگی شیعەكاندا هاتووە: چوارچێوەی هەماهەنگی کۆبوونەوەی
ئاسایی خۆی ئەنجامدا و پێشوازی لە بانگهێشتی ئەنجومەنی نوێنەران دەکەین بۆ دەستپێکردنەوەی
دانیشتنەکانی پەرلەمان.
هەروەها، ئامادەیی هەڵبژاردنی
پێشوەختە لە دوای پێکهێنانی حکومەت و پەسەندکردنی بودجە و هەمواری یاسای هەڵبژاردنەکان
نیشاندا و داوا لە هێزە کوردستانییەکان دەکات، کاندیدیان بۆ سەرۆک کۆمار یەکلابکەنەوە.
وەك لە ڕاگەیەندراوەكەیاندا هاتووە: پێشوازی لە بەشداری هێزە نیشتمانییەکان بە تایبەت
رەوتی سەدری دەکەین لە گفتوگۆکان و پێکهێنانی حکومەتدا، هەموو دەستێوەردانێکی دەرەکی
ڕەتدەکەنەوە.
ئەو
ڕاگەیەندراوەی چوارچێوەی هەماهەنگی لەكاتێكدایە، ئەمڕۆ سەرۆكایەتی پەرلەمانی عێراق
ڕایگەیاند، ڕۆژی چوارشەمە 28ی مانگ پەرلەمانی عێراق كۆدەبێتەوە و تەوەری یەكەمی
كۆبونەوەكە دەستلەکارکێشانەوەی محهمهد حەلبوسی سهرۆكى پهرلهمانە لەپۆستەکەیی و
تەوەری دوەمیش، هەڵبژاردنی جێگری یەکەمی سەرۆکی پەرلەمانى عێراقە.
س.س