شارپرێس

وەزارەتى کۆچ و کۆچبەرانى عێراق گەڕانەوەى نزیکەى ٨٠٠ ئاوارەى شەنگال و پارێزگاى سەلاحەدین لە کەمپی ئاشتی لە سلێمانی بۆ ناوچەکانی خۆیان ڕاگەیاند.

لە ڕاگەیەندراوێکدا، وەزارەتی کۆچ و کۆچبەرانی عێراق بڵاوی کردەوە، ٧٧٨ ئاوارەى کەمپی ئاشتى سنورى سلێمانى کە خەڵکى شەنگال و پارێزگاى سەلاحەدین بوون گەڕانەوە زێدى خۆیان و هەر خێزانێک بە بڕی هاوکاری دارایی چوار ملیۆن دیناری پێدراوەو وەک یارمەتییەک بۆ گەڕانەوەیان.

ئەوەشخراوەتەڕوو، کەمپی ئاشتی دوا کەمپە لە سنووری سلێمانی و لە ئێستادا تەنها ٣٧٠ خێزانی ئاوارەی تێدا ماوەتەوە و لە دوای تاقیکردنەوەی نیشتیمانی سەرجەمیان دەگەڕێنەوە ناوچەکانی خۆیان.

بەمەبەستی کۆتاییهێنان بە دۆسیەی ئاوارەبوون و داخستنی کەمپەکان ئەنجومەنی وەزیرانی عێراق بڕیاری دا تاوەکو رۆژی ٣٠ـی حوزەیرانی ئەمساڵ سەرجەم کەمپەکان دابخرێن و ئاوارەکان بگەڕێنرێنەوە ناوچەکانی خۆیان.