شارپرێس:

لە دوەمین رۆژی لوتکەی تەندروستی لە پارێزگای هەڵەبجە، پانێڵێکی گرنگ لەبارەی کاریگەریی و مەترسییەکانی ماددەی هۆشبەر بەڕێوەچوو.

رۆژنامەنوس ئاسۆ عەبدوللەتیف دیدارەکەی بەڕێوەبردوە و بە شارپرێسی راگەیاندوە، جیهان لە جەنگێکی مەترسیداردا دەژی بۆ زاڵبون بەسەر خەمۆکی و پەستان و گەشتن بە چێژی کاتی لەڕێگەی مادە هۆشبەرەکان.

ئەوەشیخستەڕوو، بۆ ئەمڕۆی لوتکەکە گرنگ بوو بەرپرسان و وەزیری تەندروستی و جێگرەکەی و بەشێک لە بەرپرسانی تایبەتمەندو لیژنەی باڵای بەرەنگاربوونەوەی مادەی هۆشبەرو کارتێکەرە عەقڵیەکان لێرە ئامادەبونایە، بۆگفتوگۆو باسکردن لەهەمواری بەشێک لەبڕگەو مادەکانی یاسای بەرەنگاربوونەوەی مادەی هۆشبەر ژمارە 1ی ساڵی 2020 .

لە پانێڵەکەدا هەریەک لەكارزان شێرکۆ سادق، ماستەر لە ياساى تاوانكاریی، حاکم بیشوان، دادوەری دادگای لێکۆڵینەوەی ئاسایشی سلێمانی، بەرزان محەمەد عەلی ، بەڕێوەبەری پەیمانگای پزیشکی دادوەری سلێمانی، زامدار حەمە ڕەسوڵ، پزيشكى پسپۆڕی دەرونى قسەیان کرد و باسیان لەمەترسییەکانی ئەو ماددە هۆشبەرانە کرد.