شارپرێس:
ئەندامێكی هاوپەیمانی سیادە ئاشكرایدەكات، كە لەماوەی چەند ڕۆژی داهاتودا ئەنجومەنی سیاسی نیشتیمانی، سەرۆكی ئەنجومەنی نوێنەرانی عێراق هەڵدەبژێرن.
عەمار عەزاوی، ئەندامی هاوپەیمانی سیادە بەڕۆژنامەی سەباحی ڕاگەیاند،" لەماوەی چەند ڕۆژی داهاتودا سەرۆكی کاتی خولی شەشەمی پەرلەمانی عێراق هەڵدەبژێرین".
وتیشی،" كاندیدیان بۆ سەرۆكایەتی پەرلەمان لایەنەكانی دیكەش پەسەندی دەكەن و ئێمە لەبەردەم قۆناغێكی سیاسی گرنگداین كه داهاتوو بنیات دەنێت لەسەر دیدگایەكی ڕون و واقعی بۆ ئاوەدانكردنەوە".
جەختیش دەكاتەوە، قۆناغەكە هەستیارەو پێویستە سەرجەم لایەنەكانی ناو عێراق هەست بەبەرپرسیارێتی و گرنگی دۆخەكە بەكەن و كار بۆ یەكلایكردنەوەی پۆستەكان و پێكهێنانی حكومەتی داهاتوو بكرێت.