شارپرێس:

بنیامین ناتانیاهۆ، سەرۆکوەزیرانی ئیسرائیل، لە داواکارییەکانیدا بۆ زیادکردنی بودجەی بەرگری، لایەنگری وەزیری بەرگریی وڵاتەکەی، یسرائیل کاتزی کرد بە پشتگوێخستنی دژایەتییەکانی ناو هاوپەیمانییەکەی لەدەسەڵات.

حکومەتی ئیسرائیل کۆتایی بە مشتومڕەکانی چەند هەفتەیەک هێنا لە نێوان وەزیرانی دارایی و بەرگری سەبارەت بە بودجەی بەرگری و زیادکردنی بەڕێژەی نزیکەی 70%ی پێش جەنگ کە دەکاتە 350 ملیار شیکلی ئیسرائیلی.

بەپێی سەرچاوە ئابورییەکانی ئیسرائیل، خەمڵاندنە سەرەتاییەکان ئەوە دەردەخەن کە بودجەی نوێی بەرگری نزیکەی 26%ی کۆی بودجەی دەوڵەت بۆ ساڵی 2026 پێکدەهێنێت، کە بەپێی ئامارە سەرەتاییەکان نزیکە لە 600 ملیار شیکڵە. بەمەش ئیسرائیل  بودجەی ساڵی 2026ی بە بودجەی شەڕ و ئامادەکاری گشتی ڕاگەیاندووە.

سەرچاوە و ناوەندەکانی لێکۆڵینەوەی ئیسرائیل لەسەر ئەوە کۆکن کە ئەم زیادکردنە لە ڕادەبەدەرە لە بودجەی بەرگریدا پشتڕاستی دەکاتەوە کە ئیسرائیل خۆی بۆ خولێکی نوێی شەڕی کراوە لە چەندین بەرەدا ئامادە دەکات.

کاربەدەستانی ئیسرائیل ئەگەری ئەوە بەدوور نازانن کە تەلئەبیب شەڕی خۆی لەدژی ئێران و لوبنان و یەمەن دەستپێبکاتەوە و درێژە بە دەستدرێژییەکانی بۆ سەر کەرتی ڕۆژئاوا و خاکی سوریا بدات.

ئەوان جەخت لەوە دەکەنەوە کە بودجەی بەرگری ئێستا و داهاتوو ئاماژەیە بۆ ئەوەی کە ئاسایش بووەتە کاری یەکەمی ئیسرائیل و لە پێشینەی خۆشگوزەرانی و پەروەردە و تەندروستییەوە دانراوە.
ئ.ح