شارپرێس:
لەناوچەکانی دەوروبەری زێی بچوک لەسنوری قەزای دوبز
ئاستی ئاوی زێیەکە بەرزبوەتەوە، پارێزگای کەرکوکیش داوا لە دانیشتوانی گوندەکانی
ئەو سنورە دەکات نزیکی ئاوی ڕوبارەکە نەبنەوە.
پارێزگای کەرکوک لەئاگادارییەکی بەپەلەدا بۆ دانیشتوانی قەزای
دوبز دەڵێت، بەهۆی دروستبونی لافاو لە چەمەکانی نزیک زێی بچوک و بەرزبونی ئاستی ئاوی
ڕوبارەکە، داوا لە سەرجەم دانیشتوانی گوندەکانی نزیک ڕوبارەکە دەکەین بەپەلە لەو ڕوبارە
دوربکەونەوە.
هاوکات، پارێزگای کەرکوک داوا لە دانیشتوانی ناوچەکە
دەکات پابەندی رێنمانییەکانی لایەنە فەرمییەکان بن و چاودێری هەژمارە فەرمییەکان
بن بۆ دەستکەوتنی دوایین زانیاری لەبارەی دۆخەکە.
ئەمەش لەکاتێکدایە، نیوەڕۆی ئەمڕۆ سێشەممە، بەهۆی
بارانبارینی زۆر و دروستبونی لافاو، لە گوندی فەرقانی سەر بەناحیەی لەیلان لەپاریزگای
کەرکوک خنکا.