شارپرێس
ناوەندی ڕاگەیاندنی هێزەکانی
سوریای دیموکرات ڕایگەیاند، هێزەکانی سەر بە حکومەتی سوریا بە
چەکی قورس هێرشیانکردەسەر هێزەکانی هەسەدە لەنزیک بەنداوی تشرین، دەشڵێت،" بەرپرسیارییەتی
هەر کاردانەیەوەک دەخەینە ئەستۆی دیمەشق ".
هێزەکانی سوریای دیموکرات (هەسەدە) لەڕاگەیەندراوێکدا دەڵێت، ئەمشەوی
سێشەممە، هێزە سەربازیی و چەکدارییەکانی حکومەتی سوریا هێرشیانکردەسەر بەنداوی
تشرین و بە هەموو توانایانەوە تۆپباران و بۆردومانی ناوچەکەیان کردوە و چەکی
قورسیان لە دژی هێزەکانی هەسەدە بەکارهێناوە.
ئەوەشیخستەڕوو، دیمەشق بەرپرسیارە لە هەر
وەڵامدانەوەیەکی توندی شەڕڤانان لەبەرامبەر ئەو هێرش و دەستدرێژیانەی دەکرێنە سەر
ئاسایشی ڕۆژئاوا و خەڵکانی سڤیل و ژێرخانی ناوچەکە.
محەمەد سەردار