شارپرێس:
ئێوارەی ئەمڕۆ لە مزگەوتێکی ناحیەی تۆپزاوەی سنوری هەولێر بەهۆی دروستبونی دەمەقاڵێوە کەسێک کوڕەکەی خۆی و وتابێژی مزگەوتەکە پێکەوە دەکوژێت، شارپرێسیش وردەکاری تاوانەکە ئاشکرادەکات.
بەگوێرەی زانیارییەکانی شارپرێس، دوو گەنج لەکاتی دەرچونیان لە نوێژی تەراویح لە مزگەوتێکی ناحیەی تۆپزاوە دەبێتە دەماڵێیان، باوکی یەکێک لە گەنجەکان دەمانچە دەردەکات و تەقە لەو کەسە دەکات کە شەڕ لەگەڵ کوڕەکەی دەدات، بەڵام فیشەک بەر مامۆستای ئاینی مزگەوتەکە دەکەوێت و دەستبەجێ گیان لەدەستدەدات، لە کاردانەوەی ڕوداوەکە بکوژ تەقە لە کوڕەکەی خۆشی دەکات و ئەویش دەکوژێت.
هاوکات، بەڕێوەبەرایەتی پۆلیسی هەولێر دوو کەسی بەتۆمەتی کوشتنی ئەو دوو هاوڵاتییە دەستگیرکرد.