شارپرێس:

کەشناسی عێراق پێشبینییەکانی خۆی بۆ کەشوهەوای چەند رۆژی داهاتوو بڵاودەکاتەوە و دەڵێت، بارانبارین تاکو رۆژی دوشەممە بەردەوام دەبێت.

دەستەی کەشناسی و بومەلەرزەزانی عێراق لەڕاگەیەنراوێکدا ئاماژەی بەوەکرد،" بەهۆی هاتنی نزمەپاڵەستۆیەک لە دەریای ناوەڕاستەوە، شەپۆلێکی بارانبارین ناوچەکەی گرتوەتەوەو سبەی هەینی، لەناوچەکانی باکور ( هەرێمی کوردستان )، رۆژهەڵات و باشور و ناوەڕاستی عێراق بارانبارینی مامناوەند دەبێت ".

ئەوەشیخستەڕوو، بەپێی پێشبینییەکان لە دوو رۆژی داهاتودا لەتەواوی عێراق و هەرێمی کوردستان ئاستی بارانبارین لە مامناوەندەوە بۆ لێزمە باران دەگۆڕدرێت.

کەشناسی عێراق دەشڵێت، تاکو رۆژی دوشەممە، هاوکات لەگەڵ بارانبارین، پلەکانی گەرماش دادەبەزن.