شارپرێس:

دوای ئەوەی کۆمپانیای دانەغاز لە کێڵگەی کۆرمۆر دەستی بە بەرهەمێنانی غاز کردەوە، لەئێستادا نرخی غاز لە بەنزینخانە و شوێنە بازرگانییەکانی سلێمانی بۆ هەزار و 150 دینار بۆ هەر لیترێک دابەزی.

بەهمەن قادر، وتەبێژی بەنزینخانەکانی سلێمانی لەلێدوانێکی تایبەتدا بە چاوەڕوان مەحمود پەیامنێری بە شارپرێسی وت،" لەئێستادا هیچ لۆدێک بۆ غازی ماڵان لەسەر بەنزینخانەکان نەماوە و دۆخەکە بەرەو ئاسایی بونەوە دەڕوات و غازی پێویست لە بەنزینخانەکان هەیە ".

ئەوەشیخستەڕوو، سەرەتای دروستبونی قەیرانەکە نرخی یەک لیتری غاز لە بەنزینخانەکان بە هەزار و 500 دینار بوو، زۆرجار بەو نرخەش دەستنەدەکەوت، بەڵام ئێستا نرخەکەی بۆ هەزار و 150 دابەزیوە و بە ئاسانی دەستدەکەوێت ".