شارپرێس:
شاندێکی پارتی بزووتنەوەی نەتەوەیی مەهەپە بە بۆنەی جەژنی قوربان سەردانی پارتی یەکسانی و دیموکراسی گەلان دەم پارتیان لە ئەنکەرە کرد.
لە سەردانەکەدا پەیامی سیاسیش گەیاندرا و تێیدا داوای بەهێزکردنی پێکەوەژیان و کەمکردنەوەی گرژییەکانیان کرد.
جێگری هاوسەرۆکی دەم پارتی خەدیجە بەتول چەلەبی جەختی لەوە کردەوە کە داوای کۆمەڵگەیەکی دیموکراسی و ژیانێک دەکات لەسەر بنەمای کەرامەت و مرۆڤایەتی بۆ هەمووان دامەزرابێت. ئاماژەی بە هەوڵە بەردەوامەکانی ئەم ئاراستەیە کرد.
لای خۆیەوە سەدر دورماز جێگری سەرۆکی مەهەپە جەختی لەسەر پێویستی بنیاتنانی ژیانێکی هاوبەش و کۆتاییهێنان بە گرژییەکانی ئێستا کردەوە بەشێوەیەکی ئاشتیانە، لە بەرژەوەندی نەوەکانی داهاتوودا.
لە کۆتاییدا هەردوولا داوایان کرد ئەم پەیامانە لە دوای جەژن وەربگێڕدرێتە هەنگاوی کردەیی بۆ بەرەوپێشبردنی سەقامگیری و گفتوگۆی سیاسی.