شارپرێس:
کەمێک لەمەوبەر تەقینەوەیەک لەشاری دیمەشق رویدا، وەزارەتی تەندروستی سوریاش دەڵێت، 21 کەس بەهۆی ئەو تەقینەوەیە کوژران و برینداربون.

ئەحمەد بەکور، بەڕێوەبەری فریاکەوتن لە وەزارەتی تەندروستی سوریا بە ئاژانسی هەواڵی (سانا)ی راگەیاندوە، لەئەنجامی ئەو تەقینەوەیەی لە قاوەخانەیەکی شەقامی نەسڕ لە دیمەشق رویدا، تاکو ئێستا پێنج کەس کوژراون و 16ی دیکەش بریندارن.

هاوکات، تەلەفزیۆنی سوریا لەزاری سەرچاوەیەکییەوە بڵاویکردوەتەوە، تەقینەوەکە لەئەنجامی بۆمبێکی چێنراو بوەو هێزە ئەمنییەکان و تیمە فریاگوزارییەکان لەشوێنی ڕوداوەکەن و رێکاری پێویستیان گرتوەتەبەر.