شارپرێس:

بەڕێوەبەرایەتی کەشناسی هەرێم پێشبینی دەکات ئەمشەو باران بارینی پچڕ پچڕ لەبەشێکی ناوچەکانی هەرێم بەردەوام دەبێت و کاتەکانی بەیانی کاریگەرییەکەی بە لاوازی دەمێنێتەوە لەناوچەکانی ڕۆژهەڵاتی هەرێم.

بەڕێوەبەرایەتی کەشناسی و بومەلەرزەزانی هەرێم لەڕاگەیەنراوێکدا ئاماژەی بەوەکردوە،" بارانبارینەکەی ئەمشەو هەندێکجار هەورە بروسکەی لەگەڵ دەبێت و تا نیوەشەو لەبەشێکی ناوچە شاخاوییەکانی باکوری هەرێم، ناوچە شاخاوییەکانی هەولێر، ئیدارەی سۆران، ڕاپەرین، سلێمانی و هەڵەبجە بەردەوامی دەبێت ".

ئەوەشیخستەڕوو، هەروەها لە سەنتەری شارەکان (هەولێر، سلێمانی، هەڵەبجە و کەرکوک) ئەگەری بارینی نمەباران هەیە، پاشان لە دوای نیوەشەو تا کاتەکانی بەیانی کاریگەرییەکەی بەلاوازی دەمێنێتەوە لە ناوچەکانی ڕۆژهەڵاتی هەرێم.

بەرزترین خێرایی بای تۆمارکراو لە هەندێ ناوچەی هەرێم (نوێ)
هەولێر 48 کم/ک
خەبات 41 کم/ک
ئاکرێ 48 کم/ک
ئامێدی 51 کم/ک
بامەرنێ 57 کم/ک
بارزان 67 کم/ک
مەیدان 38 کم/ک