شارپرێس:
راوێژکارو یاریدەدەری موجتەبا خامنەیی، رێبەری کۆماری ئیسلامیی ئێران ڕایگەیاند، هەڕەشەکانی دۆناڵد ترەمپ و بنیامین ناتانیاهۆ، نیشانەی بێدەسەڵاتی و پەرێشانییە.
محەمەد موخبیر، ڕاوێژکارو یاریدەدەری موجتەبا خامنەیی، رێبەری کۆماری ئیسلامیی ئێران، لەپەیامێکدا لەتۆڕی کۆمەڵایەتی ئێکس ڕایگەیاند، ئێران خاڵە لاوازەکانی دوژمن دەناسێت و شارەزایە لەدروستکردنی شۆکی مەیدانی، هەروەها دەتوانێت بەبەکارهێنانی رێگریکردن لەگواستنەوەی نەوت و وزە کارتی فشاری خۆی بەکارنهێنێت و هاوکێشەکان لەدوژمن تێکبدات.
محەمەد موخبیر، لەبەشێکی دیکەی پەیامەکەیدا جەختیکردەوە، لەم ناوچەیەدا نەتەوەیەک بونی هەیە کە هەزاران ساڵە لەوێ دەژی، لەبەرامبەردا ئیسرائیل وڵاتێکی لەمێژینە و کاریگەری ناوچەکە نییە، بۆیە دەبێت تەنیا بیر لەنەمانی خۆی بکاتەوە.