سەرۆکی پەرلەمان: پاڵپشتی هێزە ئەمنییەکان دەکەین لەپاراستنی سامانی ولات

عیراق

53 خولەک پێش ئێستا‌ 53 جار خوێندراوه‌ته‌وه

شارپرێس:

هەیبەت حەلبوسی، سەرۆکی پەرلەمانی عێراق رایگەیاند، هیچ لایەنێکی سیاسی و گروپێکی چەکدار و خێڵێک لەسەروی یاساوە نییە، دەشڵێت، پاڵپشتی هێزە ئەمنییەکان دەکەین لەپاراستنی سامانی ولاتەکە.


هەیبەت حەلبوسی رایگەیاند،" دەوڵەتێک لەسکی دەوڵەتدا دروست بێت قبوڵی ناکەین و هەموان دەبێت پابەندی یاساو دەستور بن ".

وتیشی،" پێشتر دۆخێکی ئەمنی خراپ روی لەوڵات کردبوو، خەڵکانێک دوای فەتوای مەرجەعیەت کەوتن و پارێزگاریان لەوڵات کرد و دەستخۆشیان لێدەکەین، بەڵام ئێستا دۆخی ئەمنی سەقامگیرەو هەر کەسێک بیەوێت دژی بڕیاری دەوڵەت بوەستێتەوە قبوڵی ناکەین ".

حەلبوسی وتیشی،" هەموو چەکدارێک دەبێت لەژێر فەرمانڕەوایەتی دەوڵەتدا بێت ".