سیروان بارزانی: بۆ لابردنی پاشەكەوتی موچە ریفراندۆم دەكەین

sharpress.net

2591 جار خوێندراوه‌ته‌وه

09/09/2017‌

شارپرێس:
سیروان بارزانی بەرپرسی میحوەری كوێر مەخمور رایگەیاند، سەركردایەتی سیاسی كورد بۆ لابردنی پاشەكەوتی موچە ریفراندۆمی سەربەخۆیی ئەنجامدەدات.

سیروان بارزانی لەمیانی بەشداریكردنی پانێڵێك لەشارەدێی مێرگەسور، راشیگەیاند "راستە ئێستا دۆخی ئابووری هەرێم خراپەو پاشەكەوتی موچە هەیە، بەڵام سەركردایەتی سیاسی كورد ریفراندۆم دەكات، بۆ ئەوەی ئەو دۆخە چارەسەربكات".

قسەكانی ئەو فەرماندەیەی پێشمەرگە وەك رەخنەیەك بوو، بۆ ئەو كەسانەی دەڵێن، كە ئەوان ناتوانن پاشەكەوتی موچە لابەن‌و داوای ئەنجامدانی ریفراندۆم‌و راگەیاندنی سەربەخۆیی دەكەن.

سیروان بارزانی ئەوەشی راگەیاند، كە ئەگەر هەرێمی كوردستان سەربەخۆیی وەربگرێت، ئەوە بەدڵنیایی لەڕووی ئابووری‌و سیاسی‌و ئەمنی‌و بوارەكانی تریش بەهێز دەبێت‌و خۆی بڕیار لەو بارەوە دەدات.

ئەمە لەكاتێكدایە رۆژی 25/9/2017 ریفراندۆمی سەربەخۆیی ئەنجامدەدرێت، كە ئەوەش كاردانەوەی جۆراوجۆری بەدواوە هاتووەو كاردانەوەكانیش بەردەوامە.

هـ ـ ح




بابەتی لێکچوو



ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved