شارپرێس:
لەنێوان پاسەوانانی دوو پەرلەمانتار لەناحیەی بەھرزی پارێزگای دیالە شەڕەتەقەیەکی زۆر دەستیپێکرد.
شەڕە تەقەکە لەنێوان پاسەوانانی پەرلەمانتار محەمەد قوتەیبە و پەرلەمانتار ئەحمەد مەزھەر روویداوە کە ھەردووکیان سەر بە حزبی تەقەدومی حەلبوسین.
عەمید هەیسەم شەمەری بەرپرسی بەشی راگەیاندنی پۆلیسی دیالی بە شارپرێسی راگەیاند، ئێوارەی ئەمرۆ پەرلەمانتار ئەحمەد مەزهەر جبوری، بەمەبەستی بانگەشەی هەڵبژاردن و بەدواداچونی کێشەی هاوڵاتیان چوەتە ناحیەی بەهرز لەپارێزگای دیالە،
کاتێک دەگاتە نێو بازاڕی ناحیەکە، لەلایەن کۆمەڵێک کەسەوە بەبەرد و دار و تەماتە روبەروی پەرلەمانتارەکە بونەتەوە.
وتیشی، بەدڵنیاییەوە هێرش بۆ سەر ئەو پەرلەمانتارە خۆڕسکانە نەبوەو لە لایەن پەرلەمانتارێکی دیکەوە هاندراون و لەبەرامبەریشدا پاسەوانانی ئەو پەرلەمانتارەی چوەتە ئەو شوێنە، تەقەی هەڕەمەکیان لەخەڵکەکە کردوە، بەڵام زیانی گیانی نەبووە، لەگەڵ ئەوەشدا ترس و دڵەڕاوکێیەکی زۆری لای هاوڵاتیان دروستکردووە.