شارپرێس:
سزای سێدارەی لانی کەم چوار بەندکراو لە بەندیخانەی قزڵحیساری کەرەج، ناوەندی پارێزگای ئەلبۆرز جێبەجێکرا.
بە پێی ڕاپۆرتی ڕێکخراویی مافی مرۆڤی هەنگاو، سزای سێدارەی دوو بەندکراویی کورد بە ناوەکانی فەرەیدون محەممەدی خەڵکی کرماشان و حوسێن بیابانی خەڵکی هەرسین لەگەڵ دوو بەندکراوی دیکە بە ناوەکانی حیسام محەممەدی خەڵکی تاران و ئەحمەد یووسفی خەڵکی وڵاتی ئەفغانستان، لە بەندیخانەی قزڵحیساری کەرەج جێبەجێکرا.
بە وتەی سەرچاوەیەکی ئاگادار، حوسێن بیابانی پێشتر بە تۆمەتی پەیوەندیدار بە ماددەی هۆشبەر، ئەحمەد یووسفی بە تۆمەتی دەستدرێژی سێکسی، حیسام محەممەدی و فەردین محەممەدی بە تۆمەتی کوشتنی بە ئەنقەست دەستبەسەر کرابوون و لە لایەن دەزگای دادوەریی کۆماری ئیسلامی ئێران، سزای سێدارەیان بە سەردا سەپابوو.
ئ.ه