شارپرێس: هێمن مامەند
سەرۆكایەتی پەرلەمانی عێراق بەپەرلەمانتارە كوردەكانی ناردووەتەوە بۆ هەرێمی كوردستانو بڕیارە ئەمڕۆش كۆبوونەوە بكات.
بڕیارە ئەمڕۆ پەرلەمانی عێراق بەبێ پەرلەمانتارە كوردەكان كۆببێتەوەو پەرلەمانتارێكی كوردیش دەڵێت: دەستەی سەرۆكایەتی بەئێمەیان وتووە تا رۆژی 3_3_2020 مەگەڕێنەوە بەغداو پشووی زستانەی پەرلەمانە.
ناسر هەركی جێگری سەرۆكی لیژنەی بەرگری و ئاسایش لەپەرلەمانی عیراق بەشارپرێسی وت: بیستمان ئەمڕۆ پەرلەمانی عێراق كۆدەبێتەوە، بەڵام ئێمە ئاگادارنەكراوینەتەوە لەكاتێكدا پێویست بوو پێش 48 سەعات ئێمە ئاگادار بكراینایەتەوە.
هەركی ئاماژەی بەوەشكرد، سەرجەم پەرلەمانتارە كوردەكان لەكورستانن، چونكە سەرۆكایەتی پەرلەمان بەئێمەیان وت "تارۆژی 3_3_2020 مەگەڕێنەوە، چونكە پشووی زستانەی پەرلەمانە".