شارپرێس:
هەڤاڵ ئەبوبەكر پارێزگاری سلێمانی‌و سەرۆكی لیژنەی باڵای ئۆپراسیۆنەكانی پارێزگاكە چەند بڕیارێكی نوێی دەكرد.

بۆ/ هەموو یەكە كارگێڕیی و فەرمانگە پەیوەندیدارەكانی سنوری پارێزگای سلێمانی
بابەت/ گشتاندن
ئەمڕۆ، (٢٠٢٠/٧/٩) لیژنەی باڵای ئۆپراسیۆنەكانی پارێزگای سلێمانی بۆ بەرەنگاربوونەوەی كۆرۆنا، پاڵپشت بە بەیانی ژمارە (٤٢)ی ساڵی (٢٠٢٠)ی وەزارەتی ناوخۆ، بڕیاریدا بە:
١- بەردەوامبوون لەسەر ئەو خاڵانەی لە گشتاندنی ڕۆژی (٢٠٢٠/٧/٣)ی لیژنەی باڵای ئۆپراسیۆنەكانی پارێزگای سلێمانی بۆ بەرەنگاربوونەوەی كۆرۆنادا دیاریكراون، (جگە لەو خاڵانەی لەم گشتاندنەدا دیاریكراون).
٢-  لە ڕۆژی یەكشەممە (٢٠٢٠/٧/١٢)وە دەوامی فەرمی گشت دامودەزگا حكومییەكان بەپێی بڕیارو مەرج و ڕێكارو ڕێنماییە تەندروستی‌و خۆپارێزییەكانی پێشتر ڕاگەیەندراون، دەستپێدەكاتەوە.
٣- هاتوچۆی ئۆتۆمبێل لە سەنتەری (ناوبازاڕی) شاری سلێمانیدا لە ڕۆژی (٢٠٢٠/٧/١٢)وە بەپێی ڕێكارو ڕێنماییە تەندروستیی و كارگێڕیی و ئارامییەكان ئاسایی دەكرێتەوە.
٤- سەرۆكایەتیی شارەوانیی سلێمانی و بەشی لابردنی زیادەڕەویی شارەوانیی بەپێی یاساو ڕێنماییەكان ڕێكاری پێویست بەرامبەر هەر سەرپێچی و لادان و زیادەڕەوییەك دەگرنەبەرو ئەركی هەموو هاووڵاتیان و دامودەزگا حكومییەكان و دامەزراوە دادوەرییەكان و كەرتی تایبەتە هاوكارو هەماهەنگیان بن.
٥- لە ڕۆژی شەممە (٢٠٢٠/٧/١١)وە تاقیكردنەوە وەزارییەكانی (١٢)ی ئامادەیی دەستپێدەكات، بۆ باش بەڕێوەچوونی كەشی تاقیكردنەوەكان و لەسەر پێشنیازی بەڕێوەبەرێتیی گشتیی كارەبای سلێمانی، بەسوپاسەوە موەلیدە ئەهلیەكانی سنوری پارێزگای سلێمانی لەكاتی نەبوونی كارەبای نیشتمانیدا، كارەبای پێویست لە ڕۆژو ماوەی دیاریكراوی تاقیكردنەوەكاندا بۆ خوێندنگاو هۆڵەكانی تاقیكردنەوە دابین دەكەن.