شارپرێس:
ئەمڕۆ شاندی پارتی سەردانی ھەریەک لە حزبی شیوعی و بزووتنەوەی ئیسلامیی کوردستانی کرد و سبەینێش لە ھەولێر لەگەڵ یەکێتی و گۆڕان کۆ دەبینەوە و ئەجێندای کۆبوونەوەکانی چەند پرسێک لەخۆ دەگرێت.
پارتى دیموکراتى کوردستان دوو شاندی سیاسی پێکهێناوە یەکێکیان لەسەر ئاستى هەرێم و ئەوی دیکەیان لەسەر ئاستی بەغدا، هەردوو شاندەکە لەگەڵ لایەنە سیاسیەکان گفتوگۆ لەسەر هەڵبژاردنەکانى داهاتووى عێراق دەکەن.
لەوبارەیەوە عەلی حوسێن، ئەندامی شاندی پارتی دیموکراتی کوردستان ڕایگەیاند: "کۆبوونەوەکانمان چەند پرسێک لەخۆ دەگرن، ئەمڕۆ لەگەڵ بزووتنەوەی ئیسلامی و حزبی شیوعی کۆ بووینەوە، بڕیارە سبەی ھەر لە شاری ھەولێر لەگەڵ یەکێتیی نیشتمانی و بزووتنەوی گۆڕان کۆ ببینەوە."
عەلی حوسێن ئاماژەى بەوەشکردوە، لە کۆبوونەوەکانمان لەگەڵ ھەموو لایەنەکان پرسی ھەبوونی ھەماھەنگی بۆ ھەڵبژاردنی داھاتووی عێراق و کۆدەنگیی لایەنە سیاسییەکان لەگەڵ بەغدا تاوتوێ دەکەین."
س.هـ