شارپرێس:

بەگوێرەی بابەتێکی پێگەی "بۆڵدسکای" ژمارەیەک لە سەوزە و میوە هەن کە توێکڵەکانیان دەوڵەمەندە بە چەندین جۆرە لە ڤیتامین و کانزا و دژە ئۆکسێن و ریشاڵی خۆراکیی و فلاڤڤۆنیدات، بەو جۆرە بەهای توێکڵەکە هیچی لە خودی میوەکە کەمتر نییە.

پسپۆڕانی تەندرووستیی دەڵێن توێکڵی سەوزە و میوەکان چەندین سوودی تەندرووستیان هەیە وەک ئەوەی دەوڵەمەندن بە رەگەزە خۆراکییەکان و کار لەسەر کەمکردنەوەی حەزی خواردن دەکەن و دواجار رۆڵیان دەبێت لەسەر دابەزاندنی کێشی جەستە، هەروەک پێشگریدەکەن لە تووشبوون بە بەشێک لە نەخۆشییەکان.

لیستی ئەو سەوزە و میوانەی بەگوێرەی قسەی پسپۆرانی تەندرووستیی لەکاتی خواردنیاندا واباشترە فرێ نەدرێن و بخورێن بریتین لە :

سێو، مۆز، پرتەقاڵ، لیمۆ، باینجان، پەتاتە، هەنار، پیاز، خەیار (ئاروێ)،تەماتە، کێوی، ترێ، گێلاس، گێزەر، قەیسی و هەرمێ.

ئامادەکردن: ئاکۆ ئاڵی