"ئۆپۆ" تایبەتمەندییەکانی مۆبایلی K9 Pro ی چاوەڕوانکراو ئاشکرا دەکات

هەمەڕەنگ

01/10/2021‌ 233 جار خوێندراوه‌ته‌وه

شارپرێس:

کۆمپانیای ئۆپۆی چینی تایبەتمەندییەکانی مۆبایلی چاوەڕوانکراوی K9 Pro ی ئاشکرا کرد، کە پێشبینی دەکرێت بەهۆی تایبەتمەندییە بەرزەکانی و نرخە گونجاوەکەیەوە خواستێکی زۆری لەسەر بێت.

 مۆبایلەکە بۆدییەکی دژە ئاو و تۆزی هەیە و لاکانی  (158.7/73.5/8.5) ملیمە و کێشەکەشی 180 گرامە، کە بە چینێکی شووشەی دژە شۆک و ڕووشان پارێزراوە.

هەروەک مۆبایلەکە شاشەیەکی ئەمۆلید ی قەبارە 6.43 ئینچی هەیە کە کوالێتییەکەی (2400/1080) پێکسڵ و تێکڕای درەوشانەوەی نزیکەی 409 مۆم/م  دەبێت.

هەرچی تایبەتمەندییە تەکنیکییەکانی تری مۆبایلەکەیە ئەوە پڕۆسێسەرەکەی بریتییە لە MediaTek Dimensity 1200 5G و پڕۆسێسەری گرافیکی Mali-G77 MC9 و رامێکی 8 و 12 گێگابایت، لەگەڵ یادگەیەکی ناوخۆیی 128 و 256 گێگابایتی.

باس لەوەشکراوە کە کامێرا سەرەکییەکەی سێ هاوێنەییە بە کوالێتی (64+8+2) مێگاپێکسڵ، کە دەتوانێت ڤیدیۆکان بە کوالێتی 4K و گرتنی  30 وێنە لە چرکەیەکدا تۆمار بکات، هەرچی کامێرای پێشەوە 16 مێگاپێکسڵە و تایبەتمەندی ناسینەوەی رووخساری هەیە.

هەرچی هێزی پاترییەکەیەتی ئەوە توانای 4500 میلی ئەمپێری هەیە، لەگەڵ بوونی تایبەتمەندی خێرا بارگاویکردنەوە.
ئامادەکردن: ئاکۆ ئاڵی