ئەو خۆراکانە ڕێگریی لە دابەزاندنی کێشی جەستە دەکەن

تەندروستی

08/10/2021‌ 431 جار خوێندراوه‌ته‌وه

شارپرێس:

خانمە پسپۆڕێکی بواری خۆراکیی، لیستی ئەو بەرهەمە خۆراکیانەی باسکردووە کە ڕێگریی دەکەن لە پڕۆسەی دابەزاندنی کێشی زیادەی جەستە.

ئیلینا کالین خانمە پسپۆڕی بواری خۆراکیی رووسیی بە ئاژانسی سپۆتنیکی رووسیی وتووە: گەورەترین رێگر لە دابەزاندنی کێشی جەستە ئەو خۆراکانە کە بڕێکی زۆر لە خوێ و گلۆتاماتی مۆنۆسۆدیۆم و ماددەی پارێزەریان تێدایە، ئەوەش لە دانەوێڵەی ژەمی بەیانی "سيرياڵ" و هەموو چەشنە پسکیتەکان و چپسی پەتاتەدا هەیە.

جگە لەوەی ڕینماییداوە بە کەمکردنەوەی بەکاربردنی سەوزە، لەبەرئەوەی سەرچاوەیەکی باشی شەکر و نیشاستەیە، لەوانە گێزەر و هەندێک جۆری کەلەرم وەک کەلەرمی سپی و قەڕنابیت و قۆخ و کشمیش.

بە وتەی ئەو خانمە پسپۆرە نابێت زیادەرەویی لە خواردنی نیسک و پاقلەمەنییەکاندا بکرێت و ئەو میوانەش کەمبکرێنەوە کە ڕێژەیەکی زۆر لە فرەکتۆزیان تێدایە و دەبنە هۆی ئاوسانی سک، لەبەرانبەردا زیاتر فۆکەس لەسەر خواردنی دانەوێڵەی تەواو بێت.

کالین ئاماژەی بەوەکردووە کە دانەوێڵەی تەواو زۆر بەسوودە، بەڵام دەوڵەمەندە بە ریشاڵە خۆراکییەکان کە دەبێتە هۆی دوروستکردنی غازات و ئاوسانی سک، بۆیە بڕێکی زۆر ئاو بخۆرەوە و جەستەت لەسەر ریساڵ و دانەوێڵەی تەواو رابێنە.

ئەو روونی کردۆتەوە کە شلەکان یارمەتی خۆراک دەدەن لەناو کۆئەندامی هەرسدا بجوڵێت و ڕێگریی لە سک ئاوسان دەکات.
ئامادەکردن: ئاکۆ ئاڵی