شارپرێس:
كۆمپانیای هۆنەری شوێنكەوتەی پێشووی
كۆمپانیای هواوی مۆبایلێكی چەماوەی بە ناوی ماجیك فی ئاشكرا كرد.
مۆبایبلە نوێیەكە هاوشێوەی مۆبایلە
چەماوەكانی گالاكسی سامسۆنگە و خاوەنی دوو شاشەیە، شاشەیەك كە دەچەمێتەوە و
شاشەیەكی تری بچوكی هەیە كە بۆ ئاگادارییەكان و پەیامەكان بەكاردێت.
قەبارەی شاشەی سەرەكی مۆبایلەكە 7.9 ئینجە بە وردیی پیشاندانی 2272 × 1984 پێكسڵ و توانای نوێبونەوەی 90 هێرتزی هەیە، قەبارەی شاشەی
جێگیری مۆبایلەكە 6.45 ئینجە بە وردیی پیشاندانی 2560 × 1080 پێكسڵ و توانای نوێبونەوەی 120 هێرتزی هەیە.
چارەسەركەری snapdragon 8 gen 1 بۆ مۆبایلەكە جێگیركراوە، رامی مۆبایلەكە 12
گێگابایت و بیرگەی ناوەكی 256 / 512 گێگابایتە.
بەگوێرەی زانیارییەكان، مۆبایلەكە خاوەنی سێ
كامێرای سەرەكییە بە قەبارەی 50 مێگاپێكسڵ و كامێرای پێشەوەی توانای ناسینەوەی
رووخساری هەیە.
توانستی پاتری مۆبایلەكە 4750 میلی ئەمپێر/
كاتژمێرە و توانای بارگاویكردنەوەی 66 واتی هەیە هەروەها نرخی مۆبایلەكە 1569
دۆلاری ئەمریكی دەبێت.
رەنج رەسول