شارپرێس
لەتیف ڕەشید، كاندید
بۆ پۆستی سەرۆك كۆماری عێراق ڕایدەگەیەنێت،
ئامانجێتی دەنگی زۆربەی نوێنەرانی كورد بە دەستبێنێت و باس لەوەدەكات، زۆربەی لایەنەكان
قەناعەتیان كردووە کەسێکی موناسبە بۆ ئەو پۆستە.
لە چاوپێكەوتنێكیدا
لەگەڵ كەناڵی ڕووداو، لەتیف ڕەشید، كاندید بۆ پۆستی سەرۆك كۆماری عێراق وتی: بۆم دەركەوتووە لەناو هەرێم و
عێراقیشدا پشتگیری دەكرێم و بۆ ئەو مەبەستەش پەیوەندیم بەزۆر لە لایەنەكانەوە كردووە
و زۆربەی لایەنەكان قەناعەتیان كردووە کەسێکی موناسبم بۆ ئەو پۆستە.
سەبارەت بە بۆچونی
یەكێتی ئاشكرایكرد، زۆربەی یەكێتی بە شیاوی دەزانن بۆ ئەو پۆستە و وتیشی: لەگەڵ بافڵ تاڵەبانیشدا
قسەم كردووە.
لە بارەی ڕەزامەندی
لایەنە كوردییەكانەوە دەڵێت: ئامانجم ئەوەیە دەنگی زۆربەی نوێنەرانی كورد بەدەست بێنم
و پەیوەندییەكی باشم لەگەڵ لایەنەكاندا هەیە و لە ڕابرددودا پەیوەندیم لەگەڵ پارتی
باشبووە و ئێستاش لەگەڵ بەشێك لە سەركردەكانی پارتیدا پەیوەندیم باشە.
لەئەگەری داوا
لێكردنی بۆ كشانەی لە خۆ كاندیدكردنی وتی: من جارێ بڕیارمداوە و خۆم كاندید كردووە،
هیچ بڕیارێكم لە فكردانییە بۆ كشانەوە و بەردەوام دەبم لە مانەوەم.
س.س