شارپرێس:
پەرلەمانتارێکى پێشووی کورد لە پەرلەمانى عێراق پێیوایە کە بەبێ سەدر هیچ حکومەتێک سەرکەوتوو نابێت، دەشڵێت" باشترین چارەسەر هەموارکردنەوەى یاسای هەڵبژاردن و هەڵوەشاندنەوەى پەرلەمانە".
ئەحمەد حاجی رەشید ئەندامى پێشووی پەرلەمانى عێراق دەڵێت"سبەی پێنج شەممە ۷۳ پەرلەمانتاری جێگرەوە سوێندی یاسایی دەخۆن وقەرار وایە پاش ئەوە ڕێکارەکانی هەڵبژاردنی سەرۆک کۆمارو و پێکهێنانی حکومەت دەست پێبکات".
دەشڵێت"بەبڕوای من هیچ حکومەتێک سەرکەوتوو نابێت لە غیابی رەوتی سەدر، هەربۆیە بەبڕوای من پەرلەمان و حکومەتی ئایندەش شەرعیەتی ۳۲٪ دەنگدەرانیان لەدەست داوە".
بەبڕوای ئەو پەرلەمانتارەى پێشوو باشترین و بێ کێشەترین چارەسەر ئەوەیە چوار چێوەی هەماهەنگی و هاوپەیمانەکانی هەوڵی هەمواری یاسای هەڵبژاردن بدەن.
هەروەها ئەحمەد حاجی رەشید باس لەوەش دەکات لەبەر ڕۆشنایی ڕاسپاردەی دادگای فیدڕاڵی و بڕیاری هەڵوەشاندنەوەی پەرلەمان و هەڵبژاردنی پێش وەخت بدرێت.
س.هـ