شارپرێس:

کۆمپانیای LG شاشەی نوێی گوازراوەی (مۆبایلی) بەناوی "StanbyME Go" خستە بازاڕەوە، کە نرخی نزیکەی هەزار دۆلارە.

کۆمپانیاکە ڕایگەیاندووە کە شاشەی نوێی گوازراوەیStanbyME Go قەبارەی27 ئینج و ڕوونی1920x1080 پێکسڵە “Full HD” ـە، لەکاتێکدا ڕێژەی نوێکردنەوەی وێنەکە ٦٠ هێرتزە.

شاشەی نوێکەی ئێڵ جی StanbyME Go بە چوار بڵندگۆ ئامادەکراوە بە توانای تێکڕای20 وات، جگە لەوەی پاترییەکەی تا 3 کاتژمێرتوانای کارکردنی هەیە.

شاشەی نوێی مۆبایلییStanbyME Go پشتگیریی لە تەکنەلۆژیای وایفای و بلوتوزی 5 دەکات، هەروەک دەرچەی HDMI لەخۆدەگرێت، لەگەڵ ئەگەری بەکارهێنانی ئامێرەکە لەڕێگای فەرمانە دەنگییەکانەوە.

لەبەر ئاسانیی گواستنەوە و هەڵگرتنی، شاشە مۆبایلەکەی ئێڵ جی دەخرێتە ناو جانتایەکی کەشخە و شیکەوە.
ئامادەکردن: ئاکۆ ئاڵی