شارپرێس:
بنیامین ناتانیاهۆ سەرۆك وەزیرانی ئیسرائیل لە وتاری خۆیدا لە نەتەوە یەكگرتووەكان ڕایگەیاند، ئەردۆغان ستەمكارە و هەزاران هاووڵاتی كوردی كوشتووە و میوانداری حەماسیشی كردووە.
ناتانیاهۆ لەبارەی ئێرانەوە وتی، توانیویانە پرۆگرامی ئەتۆمی ئێران لەنێوببەن، بەبێ ئەوەش ئێستا زۆرێك لەنێودەچوون و نەدەمان.
ڕاشیگەیاند، ئێران دەڕووخێت.
هەروەها سەرۆك وەزیرانی ئیسرائیل باسی لەوەكرد ئەوان كۆمەڵكوژییان ئەنجام نەداوە بەرگرییان لە وڵاتەكەی خۆیان كردووە و بەردەوامیش دەبن.
ئەوەشی خستەڕوو وڵاتانی ئەوروپایی پارەیەكی زۆریان خەرج كردووە بۆ بڵاوكردنەوەی درۆ دژی ئیسرائیل، هەروەها قەتەر پارەی داوە بە زانكۆ ئەمریكاییەكان و كەناڵی جەزیرە كاری كردووە بۆ شۆردنەوەی مێشكی گەنجانی ئەمریكا.
لەبارەی سەرۆكی شارەوانی نیویۆركەوە كە بانگەشەی ڕێگری لەناتانیاهۆ دەكرد، دەڵێت، سەرۆكی شارەوانی نیویۆرك شكستی هێنا، ئەوە من لێرەم ڕاستییەكان دەڵێم و پێشی دەڵێم ئێستا جووەكان هەست بەئارامی ناكەن.