بەشێكی ناوچەنیشتەجێبوونەكانی ئیسرائیل بەهۆی هێرشەكانی حیزبوڵاوە زیانیان پێگەیشتووە

جیهان

24/06/2024‌ 355 جار خوێندراوه‌ته‌وه



سەرچاوە ئیسرائیلییەكان ئاماژەیان بەوە كردووە كە زیاتر لە یەك لەسەر سێی ماڵەكانی باكووری ئیسرائیل لە ئەنجامی بۆردومانی نێوان سوپای ئیسرائیل و حیزبوڵڵا بۆ سەر ناوچە سنوورییەكان زیانیان بەركەوتووە.

ڕادیۆی سوپای ئیسرائیل لە زاری سەرۆكی ئەنجوومەنی شارۆچكەی مێتولا لەسەر سنووری لوبنان ڕایگەیاندووە، لە مانگی تشرینی یەكەمی ڕابردووەوە نزیكەی 40%ی خانوو و ناوچە نیشتەجێبوونەكان زیانیان بەركەوتووە و نزیكەی 200 ماڵیش سووتاون.

سەرۆكی ئەنجومەنی مێتولا وتی "حكومەتی ئیسرائیل نەماوە.و ڕەنگە سەرقاڵی شتی دیكە بێت".

لە سەرەتای جەنگی غەززەوە رۆژانە سوپای ئیسرائیل و حیزبوڵا بە چڕی ناوچەكانی یەكتر بۆردوومان دەكەن.