وەزارەتی تەندروستی لەغەززە رایگەیاند، ژمارەی ئەو فەڵەستینییانەی لە 7ی تشرینی یەكەمی ساڵی 2023وە تا ئێستا لە ئاكامی هێرشەكانی سوپای ئیسرائیل لە كەرتی غەززە كوژراون 40 هەزار كەسی تێپەڕاند.
وەزارەتی تەندروستی فەڵەستین لە كەرتی غەززە ئاشكرایكردووە، لە 24 كاتژمێری ڕابردوودا لە ئاكامی هێرشەكانی سوپای ئیسرائیل 40 فەڵەستینی كوژراون و 107ی دیكەش برینداربوون.
دەشڵێت ژمارەی كوژراوان لەسەرەتای هێرشەكانی سەر كەرتی غەززەوە بۆ 40ھەزار و پێنج كەس و ژمارەی بریندارانیش بۆ 92 ھەزار و 401كەس بەرزبووەتەوە.