چەكدارانی داعش هێرشیان كردە سەر بارەگا و خاڵە سەربازییەكانی هێزەكانی حكومەت و گروپە لایەنگرەكانی ئێران لە بیابانی سوریا.
سەرچاوەیەكی سەربازی بەئاژانسی نۆرس پرێسی ڕاگەیاند، ئەندامانی ڕێكخراوەكە بە چەكی سوك و مامناوەند هێرشیان كردوەتەسەر بارەگا سەربازییەكان و خاڵەكانی پشكنینی هێزەكانی حكومەتی سوریا و لیوای فاتمیونی ئەفغانی نزیك لە ئێران لە بیابانی تەدمور لە ڕۆژهەڵاتی حومس لە ناوەڕاستی سوریا.
ئاماژەی بەوەشكرد، پێكدادانێكی توند لەنێوان هەردوولا ڕوویدا و بە كشانەوەی ئەندامانی ڕێكخراوەكە و كوژرانی دوو ئەندامی فاتمیون و ئەندامێكی هێزەكانی حكومەت شەڕەكە كۆتاییهات.
بەپێی ئەو سەرچاوەیە، فڕۆكە شەڕكەرەكان كە لە فڕۆكەخانەی سەربازی T-4 لە تەدمور هەڵفڕیون، دوای كشانەوەی چەكدارەكانی داعش بەئۆتۆمبێل بۆردومانانیان كردون.