شارپرێس:

بەتۆمەتی ئەنجامدانی کاری گەندەڵی و لەسەر سکاڵای ئەندامێکی پەرلەمانی عێراق، وەزیری ناوخۆ بڕیاریدا بە دورخستنەوەی بەڕێوەبەی فەرمانگەی شارستانی خانەقین و راژەگەی گواسترایەوە بۆ بەغدا.

کاروان یاروەیس، ئەندامی پەرلەمانی عێراق بڵاویکردەوە،" دوابەدوای هەوڵەکانمان لەسەردانیکردنی خانەقین و ناردنی نوسراوی رەسمی بۆ وەزیری ناوخۆی عێراق و دەستەی نەزاهەی فیدرالی لەبارەی بونی گەندەڵی و بەرتیلخواردن لە فەرمانگەی نفوسی خانەقین، بەسوپاسەوە عەبدولئەمیر شەممەری وەزیری ناوخۆ بڕیاریدا بەلابردنی بەرێوەبەری نفوسی خانەقین و گواستنەوەی راژەکەی بۆ بەغدا ".

ئەوەشیخستەڕوو،" پەیوەندییمان بە بەرێوەبەری گشتی نفوسی دیالەوە کرد، جەختمان کردەوە، کە بەرێوەبەری نوێ پێویستە بنەبڕی بەرتیل و گەندەڵی بکات و هاوسەنگی رابگرێ لەخانەقین کە ناوچەیەکی هەستیارە ".

کاروان یاروەیس دەڵێت،" بەرێوەبەری گشتی نفوسی دیالە دڵنیاییدا کە بەوردی چاودێری کاروباری نفوسی خانەقین دەکەن و رێگەنادەن بەرتیلخواردن تەشەنەبکات و ووتیشی هەفتەی داهاتوو بەکردەیی کردنەوەی نووسینگەی پاسەپۆرتی خانەقین ئەچێتە بواری جێبەجێکردنەوە ".