شارپرێس:
کۆکە یەکێکە لە کێشە تەندرووستییە باوەکانی منداڵان و نیشانەیەکە بۆ زۆر نەخۆشی جیاواز، لە سەرمابردنی ئاساییەوە تا کۆکەڕەشە و تەنگەنەفەسی (ڕەبوو).

 
ماڵپەڕی "ئەبۆنێت.دی" (پۆرتاڵی فەرمی دەرمانسازانی ئەڵمانیا) ڕوونیکردووەتەوە کە لە حاڵەتەکانی کۆکەی سووکی وشک، بێ تا و نیشانەی دیکە، یان کۆکەی لەگەڵ گیرانی دەنگ و تایهێنانێکی کەم، لەم حاڵەتانەدا خواردنەوەی شلەمەنی، دەرمانی دەردانی بەڵغەم و غەرغەرەکردن بە خوێواوک بەسوودە.

هەروەک دەڵێت پێویستە سەردانی پزیشک بکرێت لەم حاڵەتانەدا:
ئەگەر منداڵەکە نەخۆشییەکی درێژخایەنی هەبێ، بوونی دەنگی هەناسەدانی نائاسایی وەک فیکەفیک یان ناڵە و ئەگەر منداڵەکە تووشی کۆکەی توند، تا، ئازاری سکی یان هەستکردنێکی گشتی بە نەخۆشی ببێت.

هەروەک، دەبێت دەستبەجێ پەیوەندی بە فریاکەوتنەوە بکرێت ئەگەر ئەم نیشانانە دەرکەوتن: زەردبوونی پێست یان شینبوونەوەی پێست (تایبەت بە لێو و نینۆکەکان)، ئازاری سنگ، لووتگیرانی زۆر لە کۆرپەدا.

کۆکە میکانیزمێکی زیندووی بەرگری جەستەیە بۆ پاککردنەوەی بۆرییەکانی هەوا لە بەڵغەم و ماددە بێزارکەرەکان، بەڵام دەرکەوتنی نیشانەکانی کەمی ئۆکسجین (وەک شینبوونەوە) باری لەناکاو و مەترسیدارە.

ئاکۆ عەبدوڵڵا ئاڵی