شارپرێس:

بەمەبەستی کردنەوەی کونسوڵخانەی نوێی ئەمەریکا لەهەولێر، لە ماوەی چەند رۆژی داهاتودا جێگری وەزیری دەرەوەی ئەمەریکا سەردانێکی فەرمی بۆ هەرێمی کوردستان ئەنجامدەدات.

وەزارەتی دەرەوەی ئەمەریکا لەڕاگەیەنراوێکدا ئاماژەی بەوەکردوە،" مایکڵ ڕیگاس، جێگری وەزیری دەرەوەی ئەمەریکا بۆ کاروباری بەڕێوەبردن و سەرچاوەکان  سەردانێکی چەند رۆژە بۆ رۆژهەڵاتی ناوەڕاست ئەنجامدەدات و بۆ کردنەوەی کونسوڵخانەی نوێی وڵاتەکەی سەردانی هەولێریش دەکات ".

ئەوەشخراوەتەڕوو،" سەردانەکەی جێگری وەزیری دەرەوەی ئەمەریکا لە رۆژی پێنجشەممە 27ـی تشرینی دوەم دەستپێدەکات و تا 5ـی کانونی یەکەم بەردەوام دەبێت، کە تێیدا سەردانی  هەریەک لە تورکیا، عێراق و ئیسرائیل دەکات و دەچێتە بەغدا، هەولێر و ئۆرشەلیم (قودس) ".