شارپرێس:
لەبەیاننامەیەکدا ڕەوتی هەڵوێست دەڵێت، جارێکی دیکە شەڕو هێرش بۆ سەر گەڕەکەکانی شێخ مەقسود و ئەشرەفییە لە ڕۆژئاوای کوردستان دەستی پێکردوەتەوە، جگە لە شەهیدو بریندار هەزاران هاوڵاتی ئاوارەبوون.
لەبەیانەکەدا هاتووە، ئەم شەڕو لەشکرکێشیە یاساشکێنیەکی ڕوونە.
ڕاگرتنی ئەم هێرشانە پێویستییەکی مرۆیی و سیاسی بەپەلەیە..
داواکارین لە کۆمەڵگەی نێودەوڵەتی دەستێوەردانی خێرا بکرێت بۆ ڕاگرتنی ئەم شەڕە.
دەشڵێت، چارەسەری دۆزی کورد لە ڕۆژئاواو هەر وڵاتێکی دیکە، بە دیالۆگی سیاسی دەکرێت نەک شەڕو هێرش و هەڕەشەو ئەزمونی بەڕێوەبردنی ڕۆژئاوای کوردستان، ئەزمونێکی سەرکەوتوەو دەبێت بەبایەخەوە سەیربکرێت، نەک هەوڵی سڕینەوەی بدرێت.