شارپرێس:
بەرپرسێکی ئیدارەی خۆسەری ڕۆژئاوای کوردستان ڕاگەیاندووە، کە لە چەند ڕۆژی ڕابردودا 292 خێزان لەگەڕەکەکانی شێخ مەقسوود و ئەشرەفییەی حەلەبەوە ئاوارەی ناوچەکانی ڕۆژئاوای کوردستان بون.

 
بەوتەی شێخموس ئەحمەد، هاوسەرۆکی نوسینگەی کاروباری ئاوارەکان لەئیدارەی خۆسەر، ئەم ئاوارەبونە دوای هێرش و پەلامارەکانی هەفتەی ڕابروی چەتەکانی سەر بەحکومەتی کاتیی سوریا بۆ سەر ئەو دوو گەڕەکە کوردنشینە هاتوە.

هەروەک وتویەتی: ئەم خێزانانە کە ژمارەیان نزیکەی 1000 کەسە، بەسەر شارەکاندا دابەشبون: 93 خێزان لەحەسەکە، 84 لە قامیشلۆ، 74 لە تەبقە، 28 لەڕەققە و 13 خێزان لەکۆبانێ نیشتەجێ بون.

بەرپرسەکەی ڕۆژئاوای کوردستان ئاماژەی بەوەش کردوە کە ئاوارەکان لەبارودۆخێکی مرۆیی سەختدان و بەهۆی کەمیی هاوکارییەکانەوە دەناڵێنن، پێشبینیش دەکرێت ژمارەی ئاوارەکان ڕوو لەزیادبوون بکات.

ئه‌مه‌ش له‌كاتێكدایه‌، له‌6ى ئه‌م مانگه‌ چه‌كداره‌كانى شه‌رع په‌لامارى كوردى له‌شارى حه‌له‌ب-داو كۆمه‌ڵكوژى ئه‌نجامدا.