شارپرێس:

سەرۆکی هەرێمی کوردستان پەیامێکی لەبارەی بەردوامبونی ئاڵۆزییەکانی رۆژئاوای کوردستانی بڵاوکردەوە و دەڵێت،" به‌رده‌واميى شه‌ڕ و پێكدادان هه‌ڕه‌شه‌يه‌كى جددى له‌سه‌ر ئارامى و سه‌قامگيريى سوريا و ناوچه‌كه‌ به‌گشتى دروست ده‌كات و مه‌ترسيى سه‌رهه‌ڵدانه‌وه‌ى داعش ده‌هێنێته‌وه‌ ئاراوه‌ ".

نێچیرڤان بارزانی لەپەیامێکدا ئاماژەی بەوەکرد،" ئێمه‌ له‌ هه‌رێمى كوردستان به‌ نيگه‌رانييه‌كى زۆره‌وه‌ له‌ به‌رده‌واميى پێكدادان و ڕوبه‌ڕوبونه‌وه‌ سه‌ربازييه‌كانى نێوان هێزه‌كانى سوپاى سوريا و هه‌سه‌ده‌ ده‌ڕوانين ".

ئەوەشیخستەڕوو، " هه‌ر له‌ سه‌ره‌تاى دروستبوونى ئاڵۆزييه‌كانه‌وه‌ به‌رده‌وام له‌گه‌ڵ لايه‌نه‌ هه‌رێمى و نێوده‌وڵه‌تييه‌كاندا له‌ په‌يوه‌نديداين بۆ ڕاگرتنى شه‌ڕ و پێكدادان و گرتنه‌به‌رى گفتوگۆ و لێكگه‌يشتن له‌پێناو چاره‌سه‌ركردنى ئاشتييانه‌ى كێشه‌كاندا ".

وتیشی،" دوپاتى ده‌كه‌ينه‌وه‌ كه‌ شه‌ڕ و ڕوبه‌ڕوبونه‌وه‌ى سه‌ربازى، هيچ كێشه‌يه‌ك چاره‌سه‌ر ناكات و دۆخه‌كه‌ ئاڵۆزتر ده‌كات ".

لەکۆتاییدا سەۆکی هەرێم ڕایدەگەیەنێت،" داوا له‌ هاوپه‌يمانيى نێوده‌وڵه‌تى ده‌كه‌ين ئه‌ركى خۆى له‌ پاراستنى سه‌قامگيرى و ڕێگرى له‌ سه‌رهه‌ڵدانه‌وه‌ى داعش جێبه‌جێ بكات، هه‌روه‌ها دووپاتى ده‌كه‌ينه‌وه‌ كه‌ ئاماده‌ى پێشكه‌شكردنى هه‌موو هاوكارى و يارمه‌تييه‌كين‌‌ به‌مه‌به‌ستى ڕاگرتنى شه‌ڕ و گه‌يشتن به‌ ئاگربه‌ست و ڕێككه‌وتن، جه‌خت له‌وه‌ ده‌كه‌ينه‌وه‌ كه‌ پێويسته‌ مافى كورد و ته‌واوى پێكهاته‌كان له‌ سوريا پارێزراو بن و له‌ ده‌ستورى داهاتوى سوريادا مسۆگه‌ر بكرێن ".