شارپرێس:

چەند کاتژمێرێک پێش کۆبونەوەی شاندی ئەمریکا و ئێران لە مەسقەتی پایتەختی عومان، باڵیۆزخانەی ئەمریکا لەتاران داوای لە هاوڵاتییانی کرد بەپەلە ئێران جێبهێڵن.

باڵیۆزخانەی ئەمریکا لەتاران لەڕاگەیەنراوێکدا ئاماژەی بەوەکرد،" هێشتا رێکارە ئەمنییەکان لەئێران توندن و داخستنی رێگاوبانەکان و فلتەرکردنی ئێنتەرنێت لەو وڵاتە بەردەوامە، کۆمپانیاکانی فڕوکەوانیش بە بەردەوامی گەشتە ئاسمانییەکانیان بۆ ئێران کەمدەکەنەوە ".

باڵیۆزخانەی ئەمریکا وتیشی،" پێویستە ئەو هاوڵاتییە ئەمریکییانەی لەئێراندان بەپەلە وڵاتەکە جێبهێڵن و بیر لە هاوکاری حکومەتی ئەمریکا نەکەنەوە، چونکە رەنگە بەشێوەی کتوپڕ گەشتە ئاسمانییەکان لەو وڵاتە هەڵبوەشێنەوە".

هاوکات ئەمریکا داواشی لە هاوڵاتییانی کرد ئەگەر بتوانن لەڕێی ئەرمینیا و تورکیاوە بە وشکانی وڵاتەکە جێبهێڵن.

لەساڵی 1980 باڵیۆزخانەی ئەمریکا لەئێران بەشێوەی کرداری بونی نییە، بەڵکو سویسرا کاروباری ئەمریکا لە ئێران بەڕێوەدەبات.

ئەمەش لەکاتێکدایە، بڕیارە چەند کاتژمێرێکی تر دانوستانی نێوان ئەمریکا و ئێران لە شاری مەسقەتی پایتەختی عومان دەستپێبکات