شارپرێس:

بەهۆی ئەوەی ئامێرکانی (ATM) لەسەر شەقام و شوێنە گشتییەکان بە کارەبا کاردەکەن، بەڕێوەبەرایەتی کارەبای سلێمانی ئاگادارییەکی بۆ ئەو موچەخۆرانە بڵاوکردوەتەوە کە لەو رێگەیەوە موچە وەردەگرن و دەڵێت، سبەینێ تاکو 4ی عەسر ئەو ئامێرانە کاردەکەن.

بەڕێوەبەرایەتی گشتی کارەبای سلێمانی لەئاگادارییەکدا بۆ موچەخۆران ئاماژەی بەوەکرد،" ئاگاداری سەرجەم موچەخۆرانی سنوری پارێزگای سلێمانی  و هەڵەبچە و ئیدارەی راپەڕین دەکەینەوە،  کە سبەینی چوارشەممە لە کاتژمێر 8:00 ی بەیانی تا 4:00 ی عەسر  کارەبا بۆ سەرجەم  (ATM)کانی دابەشکردنی موچە  دابیندەکرێت ".

کارەبای سلێمانی باسی لەوەشکرد، موچەخۆران دەتوانن سبەینێ لەو کاتانەدا لەرێی ئامێرەکانی (ATM)مەوە موچەکانیان وەربگرن.